Почитувани пријатели,

ЛИДЕР ЛП постои од почетокот на 2006 година и ги има следните цели и задачи:

- Развој, афирмирање и зголемување на граѓанското општество;
- Развој на демократијата во Скопје и Република Македонија;
- Активности насочени развојот на граѓанското општество и демократијата во РМ и странство;
- Воведување и взаемни врски на членовите и сите заинтересирани граѓани како и активности насочени кон врските со други народи и култури низ соработка со друго сродни организации од земјата и странство;
- Активен придонес на нејзините членови во одржувањето, зачувувањето и унапредувањето на општеството;
- Градење на граѓанското општество и демократијата;
- Хумани, социјални, културни, експерстки, економски и други права интереси и верувања согласно Статутот, Уставот и законите на РМ.
Регистрирани согласно позитивните прописи, ги имаме атрибутите карактеристични за сите невладини организации во Македонија.

ЛИДЕР ЛП доминантно е составена од членови на Либералната партија на Македонија (ЛП), чија кратенка е содржана во името на оваа невладина организација, и од лица кои не членуваат во политички партии.
Ова го наведуваме бидејќи ЛИДЕР ЛП го промовиравме како либерален тинк-танк во Македонија.
И токму затоа истакнуваме дека ЛИДЕР ЛП не се финансира од буџетот на државата или единиците на локалната самоуправа.
Сепак, нагласуваме и дека немаме намера да ја злоупотребиме ЛИДЕР ЛП за партиски цели. Имено, свесни сме дека темите на кои се фокусираме се многу позначајни од промоцијата на едно лице, партија, идеологија...
Напротив, веруваме дека е значајно да ја промовираме демократијата, слободата, граѓанското општество, пазарната економија, индивидуалните права и слободи во Македонија. Исто така, свесни сме дека нарушувањето на интегритетот на оваа НВО само би ги порекнало основните вредности што ги споделуваме како поединци ориентирани кон јакнењето на граѓанското општество.
Со нашите досегашни активности веруваме дека го потврдивме ваквиот наш курс.

Задоволство ни е да Ве повикаме на учество во нашите активности. Заедно да го јакнеме македонското граѓанско општество.

Искрено,