Со оваа програма се утврдуваат основните насоки во севкупната активност и дејствувањето на членовите од Здружението за јакнење на цивилното општество ЛИДЕР ЛП со адреса на ул. „Скопска“ бр. 9а Скопје (во понатамошниот текст: Здружението), заради остварување на целите и задачите на здружувањето, непосредно зададени во Статутот и другите акти на Здружението.

Програмската ориентација за дејствувањето на Здружението се зацртува за период од 4 години а истата ќе се операционализира во годишни програми, коишто ќе се донесуваат на редовните собраниски седници.

Здружението на граѓани е формирано со слободно здружување на граѓаните, а заради остварување и усогласување на своите интереси за вршење на дејности и активниости со цел унапредување и развивање на хуманитарни, социјални, културни, спортски и други релации во општеството, преку активности насочени пред се кон младата популација, со цел омасовување и развој на демократијата во Република Македонија со посебен акцент кон организирање на разни семинари во Скопје и низ Републиката.

Оваа програма ќе се остварува пред се преку:
- развој, афирмација и омасовување на цивилното општество
- развој на демократијата во Скопје и РМ;
- спроведување на активности насочени кон развој на цивилното општество и демократијата РМ и пошироко
- запознавање и меѓусебно зближување на членовите и сите заинтересирани граѓани како и преземање на активности со цел зближување и запознавање со други народи и култури преку соработка со други слични здруженија од земјава и пошироко;
- давање на активен придонес од своите членови во зачувувањето, заштитата и унапредувањето на општеството;
- грижа за изградба и одржување цивилното општество и демократијата;
- хуманитарни, социјални, културни, научни, стручни, економски и други права, интереси и уверувања во согласност со овој Статут, Уставот и Законите на РМ;
со здружувањето, на граѓаните коишто сакаат да се занимаваат со јакнење на цивилното општество и демократија.

За постигнување на поставените цели и задачи здружението ќе соработува со невладините организации и здруженијата на граѓани кои имаат исти или сродни програми, а пред се со просветните, образовните, научните, стопанските и други организации и друштва.

Остварувањето на целите и задачите, односно остварувањето на богатите содржини во програмските активности и дејствувањето на Здружението ќе се спроведува преку организирање на разни семинари и превземање на други активности.

Воедно ќе се организираат курсеви, семинари и други видови на едукативни активности со цел промовирање цивилното општество и демократијата на кај граѓаните.